كيفية تحويل الهارد ديسك من وضع mbr إلى gpt بدون مشاكل لتسطيب ويندوز ٨ ١٠ ١١
في البداية لازم تعرف الهارد بتاعك علي اي ستايل هل mbr و gpt و دا من خلال خطوات سهلة :-
- اضغط كليك يمين علي My Computer و بعدين اضغط علي Mange
- اختر Disk Mangemint وبعدين كليك يمين علي الهارد
- اختار اخصائص Properties وبعدين اختر Volumes
الفرق بين ال mbr و ال gpt
الMBR اختصار لـ Master Boot Record
ال GPT اختصار لـ Guid Partition Table
تعالى معنا صديقي العزيز لتوضيح المقارنة و الفروقات بشكل واضح و سلس من خلال هذه المقارنة التالية :-
| وجه المقارنة | تقنية MBR | تقنية GPT |
| إنشاء و تقسيم الهارد | 4 | 128 |
| مساحة الهارد التي يمكن التعامل َعها | يقبل حتي هارد 2 تيرا ولا يقبل أكثر من ذلك ولا يستطيع التعامل معه اذا زاد عن هذا الحجم | يمكن ان يتعامل مع هارد اكثر من 2 تيرا مثل هارد 3 تيرا أو 4 تيرا ولا مشكله معه في ذلك |
| تسجيل البيانات Data Storage | يتم تسجيل البيانات بصورة اولية ويتم تسجيلها مرة واحدة علي الهارد مما يصعب استردادها في حالة عطبها أو حدوث مشاكل بها. | يتم تسجيل البيانات في بداية القرص وفي وسطه وكذلك في نهاية القرص الصلب لذلك يمكن استعادة البيانات بسهوله. |
| الأمان | آمن | أكثر أمان |
| المتطلبات | لا يشترط | نظام UEFI |
| الفائدة | مفيد بشكل عام | أكثر فائدة |
| استكشاف الأخطاء | لا يمكن له استكشاف الأخطاء والبيانات التالفة | يمتاز بأنه قادر على الوصول إلى الأخطاء بكل سهولة بواسطة CRC32 |
بعد قرائتك لتلك المقارنة اتمنى ان اكون وفقت في توضيح بعض المعلومات البسيطة لك بصورة سلسه و بسيطة.
نأتي إلى موضوعنا الأساسي في هذه المقالة و هو كيفية تحويل الهارد ديسك من mbr إلى gpt بسهولة و بدون اي برامج.
ملحوظة مهمة جداً
حاول تنقل الملفات المهمة من الهارد قبل عمل أي شيئ تحسبا لفقد أي ملفات ركز جداااا في النقطه دي.
عمليات تحويل الهارد من MBR لـ GPT عده وظائف ووسائل لكن أنا بفضل طريقه واحده بستخدمها بشكل شخصى.
خطوات تحويل الهارد من MBR إلى GPT
وهى من خلال الـ Troubleshoot
1 - بعد ما تنقل كل ملفات الهارد ع هارد خارجى هتقفل الجهاز الخاص بيك
2 - هتركب USB Flash الفلاشه اللى فيها Windows 10 او 11 وتفتح الجهاز
3 - هتضغط على Repair Your Computer زى ما هو واضح فى الصورة
4 - هتظهرلك قائمه ال Troubleshoot تختارها كما هو واضح فى الصورة.
5 - هتختار منها Command prompt اللى هى CMD
6 - هيظهرلك صندوق ال Command هتبتدى تكتب الأمر Diskpart
7 - بعد كده هتكتب الأمر List Disk هيبتدى يظهرلك كل البرتيشنات الموجودة فى الهارد الخاص بيك حاليا هتحتاج تحول البرتيشن الخاص بالويندوز اللى هو برتيشن C و هتكتب الأمر Select disk 0
8 - بعد إختيار البرتيشن هتكتب الأمر Clean عشان يبتدى يحذف كل الملفات الموجودة فيه
9 - بعدها هتكتب الأمر Convert GPT عشان يبتدى يحول الهارد من MBR إلى GPT
لحد هنا نكون خلصنا من جزئيه تحويل الهارد من MBR To GPT بالطريقه العمليه ال Technical دون الإحتياج لبرامج أو ادوات.
أتمنى أن أكون قد وفقت في تسهيل الدرس و ان أكون على قدر المسؤولية. بعض المعلومات في هذا المقال منقول من المهندس محمد كابلوو
رأيك في المقال
ينتهي هنا موضوعنا عن : "إزاي أحول الهارد ديسك من mbr إلى gpt بسهولة, " شكراً لك ، في أمان الله :)